26 сәуірде Томск қаласында «Қазақстанның ядролық қоғамы» қауымдастығы Томск политехникалық университетімен ынтымақтастық туралы меморандумға қол қойды. Тараптар ядролық технологияларды дәріптеу бойынша жұмыс істеуді, бірлескен білім беру бағдарламаларын әзірлеуді, семинарлар мен конференциялар өткізуді жоспарлап отыр.
Меморандумға "Қазақстанның ядролық қоғамы" қауымдастығының директоры Тоғжан Сейфуллина мен ТПУ Ядролық технологиялар инженерлік мектебінің директоры Олег Долматов қол қойды.
«Біздің қауымдастықтың басты миссиясы-халық арасында радиофобияны еңсеру, ғылым мен жаратылыстану пәндерін, мысалы, физика, математика, география, химияны дәріптеу. Сондай-ақ, біз Қазақстан Республикасы Президентінің елімізге аса қажет инженерлік кадрларды даярлау және оқыту жөніндегі тапсырмасын орындау бойынша жұмыс істеп жатырмыз. Біз мұндай жұмыс мектеп орындығынан басталып, содан кейін студенттерді, жас мамандарды қамтитынын түсінеміз. Өйткені, дәл осы санаттағы адамдар бірнеше жылдан кейін салаға жұмыс істейтін кадрларға айналады. Томск политехі кездейсоқ таңдалмады. Сіздің ЖОО біздің жақсы серіктесіміз, біз бірге көптеген іс-шаралар өткіземіз. Соңғыларының бірі – «Жастардың ядролық әлеуеті» атты жыл сайынғы семинар. Ол 2022 жылдың желтоқсанында өтті, семинарға ТПУ өкілдері қатысты. Оның қорытындысы бойынша біздің ынтымақтастығымызды жүйелі және толыққанды ету туралы шешім қабылданды, өйткені сіз бен біздің мақсаттарымыз ортақ. Біз жетістікке жететінімізге сенімдімін»,- деді "Қазақстанның ядролық қоғамы" қауымдастығының директоры Тоғжан Сейфуллина.
Томск политехіне сапары аясында ЯОК өкілдері университеттің ядролық зерттеу реакторына барып, Ядролық технологиялар инженерлік мектебінің зертханаларымен және білім беру бағдарламаларымен танысты.
Біздің кездесуден галереядағы бірнеше сурет.
Толығырақ әріптестер сайтында:
