Жуықта ҮМЗ Жастар бірлестігі (ЖБ) өзінің құрылғанына он бір жыл толуын атап өтті. Туған күнді әдеттегідей етіп өткізу ұйғарылды: яғни есте қалатындай етіп. Сол үшін де үш күндік фототренинг жоспарланды, оның бір күні табиғат аясына шығумен ұштастырылды. Оқу үш кезең болып өтті. Сабақ жүргізуге Өскемен қаласының кәсіби фотографы, фотосуретке байланысты әр түрлі халықаралық ісшаралардың тұрақты қатысушысы, оқытушы, YouTube-тағы және басқа әлеуметтік желілердегі «Фото-Азбука» танымал бейнежобасын құрған және оны жүргізетін Ренат Мансуров шақырылды. Бірінші күн теориялық сабақтарға арналды. Бұл күнгі тренингтің екінші кезеңінде біздің мұғаліміміз фотографияның техникалық негіздері, заманауй фототүсірім туралы әңгімеледі. Біз өзіміз бұрын білмеген көп жайға қанық болдық, фотоаппараттың құрылымынан бастап кәсіби күйге келтіруге және бейнелеудің әр түрлері туралы білдік. Алайда теорияның орны бір басқа, ал практикасыз теориядан пайда шамалы. Сондықтан келесі күні «Алтай Альпіне» сапар шектік, ол жерде алған теориялық білімдерімізді практикалық дағдылармен бекіту көзделді. Сол күн композияция мен қабылдау негізі қаралды. Барлық тілек білдірушілер нақты практикалық кеңестер алды, жаттығу фотосессиялары өткізілді. Уақытты тек қана қызықты емес, сонымен қатар, пайдалы, көңілді және мазмұнды етіп өткіздік. Құмарымыз қанғанша фотоға түстік, серуен құрдық. Шаңғы, сноуборд тепкісі келгендер де, доп ойнағысы келгендер де табылды... Сапарды ұйымдастырушылардың барлығына және қатысушыларға алғысымызды айтамыз, әсіресе Мадина Шумакбаеваға, Павел Казанцевке, Ирина Сушковаға. Тамаша кәуәбы үшін Алексей Ляховқа жеке рахмет айтқымыз келеді. Бұл табиғат аясында тек қана тамақ әзірлеу емес, бүкіл бір мәдени шараға айналды! Тренингтің үшінші күні сабақ қайтадан оқу класында жалғасты, алдыңғы сабақтарға қорытынды жасадық. «Қатемен жұмыс» әсіресе пайдалы болды. Сапарға қатысушылар өздері түсірген фотосуреттерін әкелді және өз туындыларына кәсіби баға алды. Ренат Мансуров жаңадан бастаған фотографтардың бәріне ортақ қатеге назар аударды, бағалы кеңестер айтып, қойылған сұрақтарға жауап берді. Барлық қатысушылар Ренат Мансуровтан «Фото-Азбука» жобасының бастауыш фотографтарға арналған бағдарламаны сәтті өткені туралы сертификат алды және озық әуесқой фотограф атағына лайықты бола алады. Біздің оқытушымыздың бізге үлкен әсер қалдырғанын атап өткіміз келеді. Ол нағыз шығармашыл адам, бәрімізді оптимизм мен серпіліске жетеледі. Онымен қарым-қатынас орнату жеңіл, оның бізге «рухани» жақындығы» сезілді. Әркім өзінің фотоаппаратты меңгерген деңгейіне қарамастан өзі үшін көп жаңа нәрсені үйренді және оны ары қарай іс жүзінде қолданады деп санаймыз. ...Бізде ЖБ-нің туған күнін атап өтетін тамаша дәстүрдің болғаны қандай жақсы. Бұл мереке есімізде көпке дейін сақталады!
«ҮМЗ» баспасөз қызметі