2015 жылғы 28 қазан күні Алматыда «Ұлттық ғылыми-техникалық ақпарат орталығы» АҚ және бизнес пен мамандарға арналған ақпарат саласындағы ғаламдық көшбасшы Thomson Reuters компаниясы ұйымдастырған «Орталық Азия өңірі елдерінің ғылымын әлемдік кеңістікке кіріктіру» атты халықаралық форум өтті.
Форумға Қазақстаннан, Ресейден, Өзбекстаннан, Қырғызстаннан, Туркменстаннан, Тәжікстаннан, Әзірбайжаннан, Монғолия мен Түркиядан келген ғылыми қоғамдастық өкілдері қатысты. Форум шеңберінде Орталық Азия өңірі елдерін әлемдік ғылыми ортаға кіріктіру мәселелері, халықаралық ынтымақтастықты дамыту перспективалары талқыланды, тәжірибемен және ғылыми зерттеулердің нәтижелерімен алмасу жүргізілді.
Бұдан басқа, форум шеңберінде «Ұлттық ғылыми-техникалық ақпарат орталығы» АҚ мен Thomson Reuters компаниясы жарияланымдары Essential Science Indicators ақпараттық ресурсы мен Thomson Reuters компаниясының деректері бойынша 2005 – 2015 жылдар аралығында сол жылы және сол ғылым саласында әлемдегі ең көп цитаталанған мақалалардың 1%-ына кірген өңір ғалымдарына «Ғылым көшбасшысы» наградасын тапсырды.
«Ғылым көшбасшысы» наградасына Атом энергиясы институтының қызметкерлері Шектібаев Бауыржан, Сәдуақасова Әлия және Садықов Әнуар ие болды.
nnc.kz