2015 жылғы 27 қарашада ҚР Ұлттық ядролық орталығының жас қызметкерлері Үлбі металлургия зауытында (Өскемен қаласы) болып қайтты. Ағымдағы жылғы 28 қыркүйекте зауыт делегациясы Атом саласы қызметкерлерінің күнін мерекелеу аясында ҚР ҰЯО-ға келген болатын, бұл біздің жас қызметкерлердің жауап сапары болды.
Сапар барысында Ұлттық ядролық орталық делегациясы ҮМЗ-нің жарты ғасырдан астам тарихын қамтитын зауыттың ақпараттық-көрме орталығына барды. РФ атом энергетикасы мен өнеркәсібінің және зауыт ардагері Мордвинова Светлана Николаевнаның әңгімелерінің арқасында экскурсия қызықты өтті.
Сапар аясында ҮМЗ АҚ Жастар бірлестігінің төрағасы Михаил Байтеряков пен зауыт жастарының өкілдері қатысқан «дөңгелек үстел» өткізілді. «Дөңгелек үстелге» қатысушылар мемлекеттік жастар саясатын іске асыру бойынша тәжірибелерімен алмасып, бірлескен жобаларды іске асыру мүмкіндіктерін қарастырды.
Ұлттық ядролық орталықтың жас мамандарының Қазақстан Республикасының Тұңғыш Президенті күніне орай ҮМЗ жастар бірлестігінің бастамасымен ұйымдастырылған «Игры разума» зияткерлік ойындарына қатысуы айрықша іс-шара болды. Кездесу соңында жас мамандар бір-бірімен естелік сыйлықтармен алмасты.
ҚР ҰЯО