2022 жылғы 4 наурызда "Қазақстанның ядролық қоғамы" қауымдастығы Өңірлік БАҚ және Қазақстанның блогерлері үшін атом энергетикасы мәселелері бойынша "Атом энергетикасы: аңыздар мен шындық" атты кезекті семинарын өткізді.

Семинардың негізгі міндеті ақпараттық сала өкілдерінің әлемдік және отандық тәжірибеде атом энергетикасы мен заманауи атом технологиялары туралы хабардарлығын арттыру бойынша ақпараттық жұмыс болып табылды.

Семинар жұмысы "Қазақстанның ядролық қоғамы" қауымдастығының директоры, семинар модераторы Сейфуллина Тогжан Амангельдиевнаның алғы сөзімен басталды, ол барлық қатысушыларға нәтижелі жұмыс және семинар тақырыбы бойынша мәселелерді сапалы талқылауды тіледі.

Семинардың атом өнеркәсібі саласындағы сарапшылары:

  • Тажибаева Ирина Лашкаровна - ядролық технологиялар қауіпсіздігі ғылыми-техникалық орталығының атқарушы директоры;
  • Жантикин Тимур Мифтахович - "Қазақстан атом электр станциялары" ЖШС Бас директоры;
  • Қоянбаев Ерболат Тайтолеуович - Қазақстан Республикасының Ұлттық ядролық орталығы РМК "Атом энергиясы институты" филиалы директорының материалтану зерттеулері жөніндегі орынбасары;
  • Абильдаев Алмаз Сызганбекович - "Қазақстанның энергетикалық аспектілері" талдау орталығының директоры;
  • Алиев Сеит Абеуханович - Атом технологиялары жөніндегі ақпараттық орталықтың директоры.

Семинарда сарапшылар атом энергетикасы және технологиялары саласындағы мынадай маңызды және өзекті тақырыптарды талқылады:

  • Атом саласы: әлемдегі және Қазақстандағы жетістіктер мен даму жолдары.
  • Атом энергетикасының қауіпсіздігін негіздеуге алуға арналған эксперименттік зерттеулер.
  • АЭС: заманауи технологиялар және қауіпсіздік.
  • АЭС - болашақ энергия тапшылығының шешімі ретінде.

Сарапшылар әрбір баяндамадан кейін сұрақтар мен жауаптар сессияларына қызу қатысты.
Кездесудің екінші бөлімінде семинардың барлық қатысушылары Атом технологиялары жөніндегі ақпараттық орталыққа (Нұр-Сұлтан АТАО) барып қайтты. Олардың назарына зертханалық бокстың, ыстық камераның және электр станцияларының әр түрлі үлгілерінің макеттері, түрлі тілдердегі интерактивті фильмдер, сондай-ақ Бейбіт атоммен танысу кезінде қазақстандық жастарға ұсынылатын зияткерлік викториналарда өздерін сынап көру мүмкіндігі ұсынылды.

Семинардағы фотосуреттерді фотогалереядан көруге болады:

Жаңартылған ИЦАТ Нұр-Сұлтан фотосуреттерін фотогалереядан көруге болады:
 

Әріптестердің жаңалықтары: